| 好耐無打xanga~而家簡略地記敘一下呢排大概有咩做過啦~ 其實係無~寫完 XD 18/9 開學日 其實都係之前AOAL一樣既同學仔,只不過多左少量既IVE人 新學期開始左之後,考埋車之後真係要搵下工 皆因淨係番4,5,6 但又好難搵工同人講話淨係番1,2,3 我諗除左補習都係真係無咩選擇=[ 20/9 Ocean Park $40之旅 皆因特特響匯豐到做過,所以有d超平既門劵益下d我地呢d朋友仔^^ $40包車費,包$60餐飲劵,真係抵到爛呀~~~而且好耐都冇去過~所以幾期待 而呢個旅程就有特特,金,小新同我4個人一齊 因為我地入到去時都差唔多8點,不過都玩左唔少野 當中有d唔知點講,又唔多想講既[有困難]事件發生,anyway~多謝金的相助orz 自有困難之後,小新就笑過不停,從此"有困難"呢3個字就講左超過數十次=.=+ 小新同金都好nice~全程幾好玩,11點就坐番車出去金鐘同jacky,samson去m記食d野 就番屋企 22/9 考車日 今日考棍波輕型貨車(皆因會有埋私家車牌) 我就考9:25am 咁我就一早預7:50am到就出門口,8點到荃豐再轉49X去駕駛學院 理應8:50就到~應該仲可以試埋車,輕輕鬆鬆咁考 但!!!!!!!我等49X等左30分鐘!!!!!!!!8:00等到8:30先格硬迫到上車,個心已經慌慌地,好怕遲到 我去到時已經9:15分~我直飛去報到室,跟住就直飛去考試,車都無得試....... 不過我坐定左之後,個人就放鬆晒,因為我信我會得 過左5-10分鐘後,個考官上車 今次我就考河畔線,平時行都無咩大錯會發生 好彩今日都一如以往,都幾順利 係中途有小巴上落客到,停左好耐等佢,所以果時會怕佢唔like 當小巴想行時,又停低再上客,我就把心一橫開車過左佢 果下真係好驚佢會媽我,但我真係等左好耐,後面條龍水蛇春咁長 托賴都算正確,佢都無咩行動 之後都好順利,無驚無險就番到學校,就咁PASS左啦^^v 好開心~我將來有機會做柴可夫司機啦XD |
